Ua fautuaina e le pulenuu o Aukilani o Wayne Brown i latou o loo faagaioia uafu i atunuu i fafo ma a latou paaga inivesi e aua le ma’umauina a latou tupe i ni fuafuaga e puleaina ai le uafu i Aukilani i se faiga pe faatau pe lisi foi mo se taimi umi.
O le tali lea a le pulenuu i se faamatalaga o loo lomia i le Herald i le asō e faapea o loo vaavaai le kamupani a le DP World ma le CDPQ i se avanoa e latou te mauaina ai le kamupani lea a le uafu i Aukilani.
O faamatalaga o loo ta’ua ai o sui mai le kamupani lea a le DP World e ono oo mai i le atunuu poo le vaiaso fou mo faatalanoaga ia faamautu ai se lisi e faagaioi ai le Ports of Auckland.
Peitai la o lea ua saunoa Brown ma lipotia foi i le Herald, e leai se tulaga faapea e malie iai le Pulega a Aukilani poo le Auckland Council ina ia faatau pe lisi foi le uafu. Fai mai Brown o loo iloa uma e le toatele na te lē lagolagoina lea tulaga.
Ua ta’ua foi e le o lagolago foi iai le toatele o faufautua a le Council.
