Ua faailoa e le faigamalo a le Feterale i Ausetalia nei o le a maua lava le aukuluku, mafua mai i lipoti i se faaletonu ua aafia ai le medicare system lea e faapea e aofia ai ma se vaega tupe tele pe a ma le 8 piliona.
O se suesuega na fai faatasi a le NINE ma le ABC ua iloa ai o nisi o fomai o loo latou faatino ni gaioiga ua lusi ai le 28 piliona mai lalo o lea scheme le medicare ma fai mai e oo i tagata ua maliliu ua ave iai pili a fomai e ui e lei iai ni togafitiga na faia.
Saunoa le minisita o le NDIS, Bill Shorten i le lipoti a le 9news o le toatele o fomai poo GPs o loo faatino le galuega e tatau ona fai peitai e iai foi ma tagata o loo faaleagaina le system.
Fai mai la le faigamalo poo le a lava le umi, e maua lava latou ia ua o latou faaaoga sese le avanoa sa maua.
