Ua faailoa mai le faaiuga a le Independent Police Conduct Authority IPCA i le faalavelave sa tulai mai ia Iulai 2019 e aofia ai se tamaititi 14 tausaga ma se malu o le malo ofusavili.
Fai mai na maua atu e le leoleo lea le tamaititi ua gaoi sikaleti mai le pito i luma o lona fale i Aukilani i Matu.
Agai atu le tamaititi lea ma le isi ana uo i se paka i le faaitu lava lea ae taunuu atu ma le leoleo e aumai sikaleti na gaoia ma fai mai le lipoti a le Newshub o le agai atu o le isi tamaititi e tuuina sikaleti i le leoleo ae faaoolima loa iai le leoleo ma pa’ū ai i le palapala.
Na ave i le falemai le tamaititi ma faia iai togafitiga ona sa masalomia le aafia o lona mata. Lea la ua faamatuu mai le faaiuga o le suesuega na faia e faapea e le talia e le IPCA le gaioiga na faatino e le leoleo ma ioeina le faaiuga e molia le leoleo.
Fai mai le taitai leoleo mai Waitemata ua le o toe leoleo le alii lea o lona uiga e foliga o le a faamae’a ai lava ii lea mataupu.
