Ua valaau nei le ta’ita’i o le Itu agai Peter Dutton o Ausetalia nei ina ia faatalanoa le faaofi mai o malosiaga tau niukilia i totonu o Ausetalia. Ua ia faia lea faamatalaga i luga o le tweeter, fai mai a ia ua oo i le taimi ua tatau ona talanoaina ai lea mataupu.
E ui ua autausaga o teena malosiaga ia tau niukilia ona o tulaga tau le puipuiga o le siosiomaag, ae ua faatupulaia lava le to’atele o tagata ua faailoa finagalo ua tatau ona silasila i lea foi tulaga mo se fesoasoani i le taimi nei.
O le 2013 na faalālā ai foi e lē sa avea ma Palemia i le taimi lea o Tony Abbott le mataupu lea o se nofoaga mo malosiaga faaniukilia i Ausetalia.
Fai mai le 9News pe ā ma le tasi vae tolu o le uranium a le lalolagi o loo maua atu i Ausetalia nei.
