O loo matua tetee Peter Dutton o ia le faipule lea na faaigoaina le palemia o se tagata ua leaga le ulu, ini texts feaveai ua liki nei ma ua faailoa ile tele o lipoti a le au faasalalau I Ausetalia nei.
O Dutton ole minisita o Puipuiga a Ausetalia ma sa tusilima iai nisi e aofia ai le sa avea muamua ma Premier o Niu Sau Uelese, Bob Carr e faapea e le ltaumate o ia lea sa faia le text faatatau ile palemia.
Fai mai Dutton e le faavaea faamatalaga ua faia e Carr, ma e le moni ma ua tatau ona tape ese. O ia foi faiga text o loo agiga ai foi ma le igoa o le sa avea ma premier talu ai nei o Niu Sau Uelese, o Gladys Berejiklian lea fai mai a ia na te le manatua sea talanoaga.
Ile faaiuga foi o le vaiaso na aliae ai foi se text ua taua na faia e le sui palemia,Barnaby Joyce ua faailoa foi o le palemia o se tagata faafoliga ma pepelo. Ua maea faatoese Joyce I lana text lea ile palemia ae fai mai le palemia e le popole lava poo ai o faia ni faamatalaga faapea I ona tua.
Ole vaiaso nei ua toe agai ai faipule mole uluai fonotaga a le palemene I Canberra mo le amataga o lenei tausaga.
