Fai mai le Palemia o Ausetalia, Anthony Albanese e mana’o e galulue faatasi ma Saina ae o le a lē tuumāmāina ai tulaga o loo tulimata’ia e Ausetalia. Saunoa Albanese i le 7News o le a feiloa’i ma le ta’ita’i o Saina Xi Jinping pe a maua le avanoa ae o le a lē taofia ai tulaga maumaututū o Ausetalia.
O le faatalanoaga lea a le Palemia ma le alaata 7 a Ausetalia ua ta’ua ai lona naunauta’iga e galulue faatasi pea ma Beijing i vaega e mafai ai e aunoa ma le aafia o le atunuu.
E ono feiloa’i pe fono foi ta’ita’i e lua i le fonotaga a le G20 o loo fuafua mo Novema i Bali ma fai mai Albanese afai ae taunuu sea feiloa’iga o le a ia faailoa manino i le ta’ita’i o Saina o ona values poo vaega e talitonu ia iai e ogatasi ma tulaga e talitonu foi iai Ausetalia.
