Ua faia le faaiuga a le faamasinoga e faatatau i le nofoaga autu o le kegi a le Head Hunters i Kalaiesetete ma ua faatonuina ai le aveesea mai o lea nofoaga i Vickerys R Wigram i lalo o le Criminal Proceeds Act.
O le 2017 na faasāina ai e leoleo le nofoaga lea i le mae’a o sa latou suesuega sa faia i le aofia ai o le kegi i soligatulafono e aofia ai fualaau faasāina.
O le talosaga a leoleo na faia fua i luga o le latou mau o su o le kegi lea ma i latou e iai sootaga ua matuai aafia lava i le faatauina ma sapalaia o le fualaau faasāina o le aisa.
Ua faamautuina ai e le faamasinoga o tupe na maua mai i le faatinoina o le soligatulafono e aofia ai fualaau faasāina ma ua iai foi nisi lipoti ua ta’ua ai le faatonuina e le faamasinoga o le aveina o le tusa ma le 6 afe mai masini poka e lei laiseneina atoa ai ma se pasika Harley Davidson.
Fai mai leoleo o se iuga lelei tele lenei mo le komiuniti i Kalaiesetete ma o loo finau nei foi i le faamasinoga mo le nofoaga autu o le kegi lava lea i Aukilani i Sasae lea o le a fofogaina foi i le faamasinoga i le tausaga fou.
O le Head Hunters na faatuina i le 1967 o se kegi i Glenn Innes i Aukilani.
