O le tonu mausali o le toe a’e ma le lē a’e o aoga, o le a sau sa’o lava mai le pulega o le aoga.
O le vaiaso lenei o loo tele ina foi ai fanau i aoga o lenei tausaga faaleaoaoga, peitai ua mautonu nisi o matua ma fanau ona o aafiaga o lologa na iai le faaiuga o le vaiaso mo Aukilani.
Faamaoniga mai le matagaluega o aoga e moni e iai aoga na aafia, peitai e le tele.
Molimau ai le sui peresetene o le asosi o aoga tulagalua a Aukilani i tala a le Herald, pe a ma le 20 aoga o loo matuai iloga ona faaleagaina e lologa, ma e le o se numera tele lea pe a faatusa i le 550 o le aofaiga o aoga i Aukilani.
Ua sau ai ma le faaiuga o le a tuu mai pea i pulega o aoga le faaiuga o le a’e o aoga i le vaiaso nei, ma o loo fua lava foi i galuega toe faamamā pe afai o loo moomia.
E iai nisi o faleaoga o loo faaaoga e avea ma nofoaga e sulu iai tagata ua leai ni fale, ma o se tasi lea o mafuaaga e ono aafia ai aoga a fanau o loo aotauina i ia laumua.
