E 12afe se vaegatupe a se tasi tina ua gaoi moni lava e le autaufaasese fai mai o latou o le aufaigaluega a le Telstra.
O le tamaitai e suafa ia Rachel o loo faaigoa ai i le lipoti a le 9Newas ua matua’i mafatia i le tulaga na aafia ai i le masina o Mati o le tausaga nei. Fai mai na hack uma e le tagata ana tusitupe o se gaioiga ua matua’i mafatia ai sia tina aemaise fai mai a ia o ia o se single mum, na o ia ma si ana fanau e toalua ma e faigaluega malosi e tausi ai si ana fanau.
Ta’ua e Rachel na ia faalogoina e pei ia o se tagata valea seia oo mai i le taimi nei, o loo i se tulaga ma’ale’ale ae ua toe oo foi i lea tulaga.
Faamatala e le tina o le tagata na vili atu fai mai e faigaluega i le Telstra ma e mae’a ane feutana’iga ma i latou ia ua 12 afe lana tupe ua ma’umau ai e le’i toe maua ane.
