E to’a sefulu sui fou ua faaopoopo atu nei, ma ua amata ona galulue faatasi nei ma le to’atele o vaega o le faigāfaiva ina ua mae’a lo latou faau’uga i le vaiaso talu ai.
O sui o le a fesoasoani atu i galuega faatino o le puipuiamalu o Niu Sila mai le tele o gaioiga solitulafono e tutupu mai, aemaise o le taumafai i vaega e faatumauina ai pea le lelei ma le mautū o vaega uma e gafataulimaina ai le atunuu i atina’e tau faigāfaiva.
Na maitauina le faato’ā amata ai o le ‘aufaau’u na māua ai i lipoti lo latou mauaina o ni tagata ua fagotaina faasolitulafono o le figota o le pāua, poo ē ua faaigoaina i le gagana Peretania o pochers.
Ta’ua sa faapea o i latou nei o se polokalame faata’ita’i e tusa ai ma galuega faatino peita’i e lē o ni faata’ita’iga ae o tagata solitulafono ia na o latou maua atu i le uafu faavaomalo i Ueligitone.
Māua e to’alua ni tagata na taofia, ma e oo atu i le 48 figota o le pāua na o la taumafai e ave solitulafono; o le 46 o ia figota e faapea e lāiti e le’i taitai foi ona oo i le taimi e tatau ona faagotaina ai le figota.
Ua patipatia le galuega faatino i le maua ai o ē na faatinoina ia gaioiga faasolitulafono, ae na maua lava e i latou faato’ā faau’u.
Puna o Faamatalaga: https://www.facebook.com/share/p/1CPxgMof67/
