E 83 i latou o leoleo fou- o constables ua faau’u ma ua faatautōina aloaia e amata galulue i lenei auaunaga.
E 20 vaiaso sa faatino ai a’oa’oga ma iloiloga ‘ese’ese mo i latou ua faauuina i le Kolisi faa-leoleo a le atunuu- le Royal New Zealand Police College.
Na faatautaia le faau’uu’uga a le vasega 387 i le Te Rauparaha Arena i Porirua.
Ma e tusa ai ma se pepa o faamatalaga mai le NZ Police, o se faau’uu’uga na molimauina ai le patipatia o taumafaiga a nei alo ma fanau ua si’i a’ao e avea ma malu o malo; ae o se taimi na manatua ai nisi o uso a leoleo mai Ausetalia na maliliu ao iai i luga o galuega.
Sa māua foi le auai o ni sui mai Victoria Police e auai i lenei faatasiga tāua ma avea ma avanoa e sa’afi ai o latou sui e pei ona maliliu i nai aso ao lumanai le faau’uu’uga.
E tusa ai ma faamatalaga na faatino foi tū masani – a minute’s silence, e manatu ai ia toa o le galuega.
Faamauina le toatele o tagatanuu mai atunuu ‘ese’ese na faau’u mai lenei vasega ma le18-49 tausaga le matutua.
O le 25.3% o le Wing 387 o tamaita’i ma le 74.7% o alii. Ma i lea numera o le 68% o tagata niusila peretania, 12% o Maori, 12% o Asia, 4.8% o tagata Pasefika ma le 2.4% o i latou o tagata Latina Amerika, Aferika ma tagata Middle East.
I le mae’a ai o lenei faau’uu’uga o lea ua faamauina le faasafua atu ai o i latou e 83 i pou eseese a le auaunaga o leoleo i le atunuu.
Puna o Faamatalaga: https://www.police.govt.nz/news/ten-one-magazine/pride-and-poignancy
