O taeao lea ua fuafua e faaulufale ai le malumalu fou o le Ekalesia Faapotopotoga Kerisiano Samoa i le afioaga o Patamea i Savaii.
O le malumalu lenei sa toe fausiaina ina ua faatamaia e le malaia le malumalu tuai ia Ianuari 2022 ae lei leva ona mae’a ona totogi le aitalafu sa fausia ai le malumalu ua faatamaia lea na mae’a fausia ma faaulufale i le tausaga 2004.
Na masalomia i lea taimi o se uaea eletise na mafua ai le mu. Sa faatagisia e le gata i le aulotu ae o le afioga i le faipule o Gagaemauga Muamua (1) ia Tuala Tevaga Iosefo Ponifasio alo ma fanau o le afioaga mo se seleni aua le malumalu fou lea ua faapaiaina nei.
O le letiofoni na faataunuuina i lumāmaota o le malo ia Ianuari lava o le tausaga ua mavae e saili ai seleni o le faamoemoe ma sa silasila le Ekalesia i se tupe pe ā ma le $1 miliona e toe fausia ai le malumalu fou.
O le Susuga ia Tanielu Tupuse ma lona faletua o loo galulue ai i le Ekalesia i Patamea.
