O Athens i Greece lea sa faaui agai iai le faigamalaga a le Qantas sa agai mai Singapore mo Lonetona ma malolo ai le pasese e pei ona lipotia o se mataupu e lei fuafuaina ma o le faalua ai lea ona tulai mai o lea tulaga i faigamalaga i le alavaa lava lea.
O le mafuaaga e pei ona ta’ua e le 9News ona o se tasi o mataupu tau gasegase na tulai mai ua faamalosia ai le agai ese o le vaa mai lona alavaa sa fuafua e malaga ai.
O se tasi o le pasese ua tigaina lona gasegase ma taumafai ai le aufaigaluega e faatino iai togafitiga ma fesoasoani ma o le fautuaga mai ia i latou e tele le silafia i mataupu faapea, na mafua ai le faaiuga e agai ese le malaga mai lona alavaa ae saili se fesoasoani vave mo le gasegase.
O isi pasese uma i le faigamalaga lea sa saunia uma nofoaga e aumau ai a o malolo ai i Greece ma o le a faatoa toe faaaauau le malaga i Lonetona i le taeao a taeao.
