Ua faatupulaia le fuainumera o sui o kegi e lē o i falepuipui e faasala ai ae faasala i le fale, ma mai le National o se popolega tele lea i le saogalemu o tagata lautele.

Talu mai le 2017 ua faamauina le siitia i le 59% o tagata e iai sootaga ma kegi e faasala i le fale, ma i totonu lava ia o le tausaga faaletupe 2022 i le 2023, e 623.

Mai le matagaluega o falepuipui o se faiga e le gata o loo faasala i le fale ae e toe fuataiina ai ma o loo mataituina foi i totonu o le 24 itula, 7 aso o le vaiaso ma o le faaopoopo o tagata nei e solitulafono ae e iai sootaga ma kegi o loo fesootai ma le 61% faaopoopo o sui o kegi i totonu o Niu Sila talu mai le 2017.

A o popole ai le National, ua fai mai ai e iai le suiga o loo vaavaai iai e ala lea i le tatau ona ta’u faatasi atu ai ma sootaga i kegi i taimi e lau ai iuga o faamasinoga ma ua tatau foi ona faatapulaa le saolotoga o loo tuuina atu i faamasino latou te faia ai faaiuga o mataupu faapenei.

Ae i le finau mai a le Labour, e foliga mai o le a faaleaogāina e le National faiga faavae na sau a’i.