Ua sau faamaumauga fou ma ua iloa ai ua alu i luga le fuainumera o tagata Kiwi e maua i le ma’i suka.
O loo maua i le lesitala a le Virtual Diabetes e tusa ma le 95,700 tagata na togafitia i totonu o le tolu tausaga ua alu, ma maua ai le atoaga e 324,000 tagata Kiwi e ma’i suka.
I le vaai mamao e ono pasia le 500,000 i le tausaga e 2040.
O se tala faanoanoa ona o tagata Pasefika lea e maualuga ai lava le lamatia, ma ua silia ma le 12% o le komiuniti Pasefika lea ua togafitia ai i le taimi nei.
Ua ta’ua mai ai foi o le 10% o tagata Initia i Niu Sila faapea ai ma le 7% tagata Maori.
Ae mai le Diabetes New Zealand, o loo ia tāpā le faamalamalama auiliili mai o faamaumauga ua aumai nei, e ala lea i le tuueseese o ituaiga ma’i suka, le Type 1 ma le Type 2.
Ae i saunoaga a le minisita o le soifua malōlōina, Share Reti, o le faatalanoa lava o mea e mafua ai e pei o le ‘ava malosi, tapaa ma le lē lelei o meataumafa, peitai o se upu o le faia o se sugar tax, e lē o se lafoga o aga’i iai le malo i le taimi nei.
Puna o Faamatalaga: Increase in the number of Kiwis who have diabetes, new data shows
