Ua mae’a le malaga taamilo a le tatou aulakapi tele o le Manu Samoa i Europa i le manumalo i ana taaloga e lua ae tasi le malolo i le lana taaloga ma Italia.
O le faaiuga o le vaiaso na taaalo ai ma Romania ma manumalo ai i ‘ai e 22 i le leai. O le vaiaso nei ua toe foi ai le toatele o le ‘au ia latou kalapu o loo taaalo ai ina ua mae’a le malaga taamilo i lea vaega o le lalolagi, o se tasi o tapenaga a le Manu Samoa mo le Ipu o le lalolagi i le lakapi iuni e faia i Farani ia Setema o le tausaga fou 2023.
I se avanoa na faatalanoa ai le taitai malaga le susuga Su’a Hesed Ieremia na ia faaalia ai, o le matati’a ua ausia e le Toa Samoa, o se luitau ma se faatupu manatu lea mo le faiaoga ma le pulega o le Manu Samoa aemaise o tama taaalo.
Se vaega o le faatalanoaga ma le taitai malaga o le tatou Manu Samoa susuga Su’a Hesed Ieremia o loo iai nei i Europa.
