Fitu isi vailaau fou o le a faatupe e le Pharmac, ese ai le isi lua ma o le a penefiti ai le faitau afe o tagata Kiwi.
O vailaau fou e mo gasegase o le fatuga’o, leukaemia, vailaau mo tagata e tigaina manuaga mai mu ma o loo i falemai, ma isi mo mai tigaina.
Ese mai i vailaau fou nei e iai foi le isi lua o le a faalautele le agavaa ma e aoga lea mo le kanesa o le susu, gasegase e aafia ai ponaivi ma isi aafiaga o le osteoporosis.
O se tala fiafia le mafai ona aumai e Pharmac ma faatupe o vailaau nei ma o le aso muamua o le masina a sau e amata faatupeina ai.
O isi e faatoa maua i le amataga o Fepuari ma Mati o le tausaga fou.
