Faatumulia Manukau ananafi i le koneseti o loo iai i Niu Sila nei nisi o tagata pepese lauiloa mai Amerika.

O le masina lenei o loo faasolo ai le JuicyFest e le gata i Niu Sila nei ae faapea Ausetalia ma o loo taitaia mai e Nelly, Ne-yo ma Ja Rule faatasi ai ma le lagolago a le isi toafitu o loo latou malaga faatasi mai.

I Aukilani i Saute, na poloka ai ma auala e le gata i taavale ae o le tumutumu o tagata na molimauina ma o se aso lagilelei pe a faatusa i le tau o le vaiaso talu ai.

E lei mafai ona faataunuuina le konesiti a le JuicyFest i Tauranga ona o le tau, ma o le oo ai o le koneseti i Manukau ananafi o se fiafiaga e le gata i le aupepese, o le aumaimoa ae faapea ai ma i latou o loo tuufaatasia.

Toe tasi le koneseti mo Niu Sila lea e faia i le aso a taeao i Whangarei ae e lei faimalaga atu i Ausetalia mo le 4 koneseti mulimuli.