O le aso 24 Iulai o le tausaga nei, o le a suesueina ai mau a le itu a leoleo i le mataupu o loo molia ai lē sa avea ma tagata faigaluega o le matagaluega o faamasinoga, i moliaga o le gaoi a o avea ma tagata faigaluega.

I taualumaga a le faamasinoga talu ai, o loo teena ai e Sera Skelton le silia i le 80 moliaga. O lē na molia faatasi ma lea tamaitai sa galue i auaunaga lautele (corporate services) o lea ua faailoa le toe faaui ai i tua o moliaga e faasaga i lea tamaitai, ae ua sauni e avea ma molimau a leoleo.

E silia ma le $300,000 le seleni o loo tuua’ia ai le tamaitai o Sera. O lea mataupu sa tolaulauina i luma o le tamaitai Faamasino ia Niava Mata Tuatagaloa, o le susuga ia Quentin Sauaga o loo tulai ai mo lē ua tuua’ia.