O le minisita mo auaunaga lautele, Nicola Willis ua ia faailoa i ofisa o le malo ina ia toe faafoi atu i ofisa a latou tagata faigaluega ma ia faamalosia tulafono e faatatau i le faigaluega atu i le fale.
Ua iai nisi ta’ialafou ua faailoa mai e le minisita aga’i i le Komesina o auaunaga lautele e tusa ai o lea tulaga ma se maliega i le va o le tagata faigaluega ma le pule o le galuega.
O le a tuuina atu lea ta’iala e le Komesina agai i ofisa sili o auaunaga lautele mo le usitaia e tagata faigaluega.
Saunoa le Palemia i le mataupu lea i le NZ Herald, o ia e mana’o i se auaunaga lautele e maualuga le tulaga e iai ma galulue faatasi, e lē fia vaai o faigaluega mai tagata mai le fale.
Sa faailoa foi se finagalo o le failautusi o le asosi o tagata faaigaluega lautele e faapea, ana popole le Malo i le tulaga o le tamaoaiga semanū e lē aveesea le faitau afe o tagata faigaluega malolosi sa iai i le auaunaga.
Puna o Faamatalaga: https://www.nzherald.co.nz/nz/politics/watch-live-christopher-luxon-gives-post-cabinet-press-conference/CL4CTTTEH5AVHABU2PICF7JBUM/
