Ua faatonuina le pule o se tasi o kamupani faatau ava malosi ma kamupani o loo aofia ai i lea auaunaga ina ia totogiina le tusa ma le $1.55 miliona mo le faaaogaina o tagata faigaluega e malaga mai i le atunuu o loo i tulaga maaleale.
Ua faatonuina le alii o Sukhdev Singh e totogi le vaegatupe e $415,800 i totonu o le 2 vaiaso ma ua lipotia foi e le One News le faatonuina o kamupani o loo faagaioia lea faleoloa ina ia totogi le $1.138 miliona.
O le alii o Singh ua tuuina iai se faasalaga umi e faasā ai ona ia toe faagaioia se pisinisi, e tolu tausaga le umi o le sā e amata i le masina fou.
Fai mai le matagaluega o pisinisi e lei maua e le aufaigaluega faamanuiaga e tatau ona agavaa iai a o faigaluega i faleoloa faatau ava malosi ia o le kamupani talu mai Setema 2015 ma Novema 2019.
Ua faailoa foi e le Matagaluega e tele mea ua solia i aiaiga tau galuega i le mataupu lenei ma ua faatonuina ai foi e le faamasino sa feagai ma le mataupu le totogiina o tagata faigaluega e toalima, migrant employees o se isi aofaiga e $225 afe faaopoopo atu i le silia ma le 500 afe o arrears ua mae’a ona totogi iai e le fale faigaluega.
