Ua faatoese le falema’i a Middlemore i gasegase na vaaia e lē na faafoliga o ia o se foma’i ae leai. 

O lea ua su’esu’e e leoleo le tama na ia vaaia gasegase ma e faapea e pepelo faamaumauga na ia faaaogāina e saili galuega ai i le falema’i. 

Mai le Te Whatu Ora Counties Manukau, ua matua’i lagona lo latou sese i le faafaigaluega o lea tagata ma o lea foi ua toe taumafai e faafesoota’i uma gasegase ua aafia. 

O le su’esu’ega foi ua faia nei ua toe su’esu’e ai togafitiga na faia e lea tama aga’i i gasegase aemaise talavai na ia ave i gasegase. 

O Fepuari o le tausaga nei na amata faafaigaluega ai e Middlemore ae faato’ā faamālōlō i le aso muamua o le masina lenei o Aokuso ina ua alia’e faamatalaga ua fesiligia ai le lesitala o lea foma’i pe leai. 

Na aveesea mai ai loa ma ona tiute sa faia i lea taimi, ma o le vaiaso nei lea faato’ā faamuta aloa’ia ai loa e le Counties a Manukau. 

Mai le minisita o le matagaluega, Andrew Little na ia faamaonia lipoti o le su’esu’ega ua faia ma o lea foi ua oo atu tala ia te ia e faatatau i lea foma’i.