Ua toe faatoese leoleo i lo latou ave sese o se tasi o alii ma le mafaufau o le gaoi taavale, peitai o lana lava ia lea taavale.
I le lipoti ua tuuina mai e le pulega tutoatasi o loo iloiloina auaunaga a leoleo loo ta’ua ai o lea na toe faaulu le faaseā a lē na ave sese e leoleo toe toso ma lana taavale, ma o lea faaseā o loo pipii ai ma faamaumauga e faamaonia ai o lea lava sa ia faatauina mai le taavale mai lē na ia umia muamua.
O le mea sa’o e iai le isi ula na ia failaina le lesitala taufaasese o ia e ana le taavale ma na faatoa iloa mulimuli ane.
I le faatoesega a le ofisa o leoleo i Manukau i Aukilani e tusa ma tala a le pulega tutoatasi ua toe faailoa ai ua vavevave tele leoleo peitai e lei lava a latou suesuega e faamaonia muamua ai.
