Ua faatoese le pulega faaitumalo a le soifua maloloina i Saute o le atunuu ona o le maliu o le tama Dunedin mafua mai i aafiaga o le fatu ona o le tui o le Koviti.

O lea ua mae’a le iloiloina o le mataupu na suesue ai e le faamasinoga le maliu o Rory Nairn ona o le myocarditis lea na mafua ai ona maliu i le 12 aso talu ona uma lona tui muamua.

A o amata ai le aso mulimuli o le valaauina o lenei mataupu, na tatala lava i le faatoesega a le Te Whatu Ora, lea na fai ai ma sui o le Southern District Health Board ona o le mea na tupu.

O le le oo o le feau i tua e pei ona pasi mai e le matagaluega i tagata o loo faia tui, o le itu lea na taulai iai le finau a le itu tagi.

O le myocarditis poo le aafia o le fatu e le o se aafiaga e toatele nisi ua maua ai ona o le vailaau, ma o le suesueina ai o lenei mataupu ua faatalosagaina ai ma finagalo o tagata suesue tau i vailaau, poo le a se vailaau aoga e vave ai ona togafitia le myocarditis pe afai ae vave maua.

O a fautuaga ma tali o suesuega o loo faia nei, o le a fesoasoani lea i le agai i luma.