Afai na e faimalaga talu ai nei i le vaalele o le Qantas, e lelei la ona e siaki poo e agavaa i se tasi o ana travel vouchers poo isi faamanuiaga ua ofoina nei e le kamupani vaalele o se vaega o lana faatoesega i le atunuu femalagaa’i. 

O i latou o sui o le Qantas Frequent Flyers o le a maua le voucher lea e 50 tala atoa ai ma le toe faaopoopo o le umi o a latou membership ma isi faamanuaiga ua ofoina nei e le kamupani o se vaega o le latou faatoesega i le mamalu o le atunuu femalagaa’i ona o tulaga faatuai ma isi aafiaga o le auaunaga i se taimi e lei mamao. 

Faailoa e le Ofisa Sili o le Qantas, Alan Joyce i le Sunrise o nai masina ua tuanai atu sa iai malaga na faatuai, malaga sa faalēaogāina ma uta foi sa feavea’i sese.

Fai mai Joyce e avea o ia ma sui o le kamupani vaalele e faatoese ai ma faailoa i le atunuu o loo galulue nei i le faaleleia atili o nei auaunaga.