Ua faatoese le premier o Vitoria i ni faaletonu i le auaunaga a le setete i le vaega o le triple 0 ina ua faamatuu mai le lipoti ua faailoa ai le iai o sootaga o le faaletonu lea i nisi na maliliu.

O se suesuega tutoatasi sa faia i le mataupu lea ua faailoa mai ai a itiiti mai e 33 tagata na maliliu ona o le faatuai o le auaunaga a le setete i le va o Tesema 2020 ma Me 2022. 

O le suesuega na agai i le auaunaga i call centers i auaunaga ia triple 0 ma o nisi taimi na oo lava i le tai 10 minute ma sili atu le taimi faatali faatoa tali mai se isi.

Sa upuia ai le premier ina ua aliae le iuga o le suesuega ona o le leai o se feiloaiga ma tusitala e faamalamalama le mataupu ma o le asō la ua faailoa ai le faatoesega mai le premier.

O le paketi a le malo sa tuuina i le auaunaga tau le soifua maloloina ua faaagaga ai le 333 miliona e faafaigaluega ai nisi tagata faigaluega fou e 400 e tautuaina lea auaunaga.