Ua faatoese mai le NSW Health mo se text o le Koviti-19 ua maua e nisi ia latou telefoni.
Fai mai pe silia ma le 60 afe tagata na mauaina lea text o loo ta’ua ai o latou ua faamaonia le aafia i le Koviti-19.
Ua tuuai e le NSW Health le faaletonu lea o se technical error ma faaalia ua mae’a ona toe lafoina isi text e faamalie ai i tagata ma faamalamalama ai le faaletonu i le text sa muai tuuina ane.
O lea la feau sa tuuina ane ua auiliili ane ai ma gaioiga e tatau ona faia ona ua faamaonia le aafia i le koronavairusi.
Ua faamaonia mai o loo faia nei le suesuega pe mafua i se ā lea faaletonu. Ua lipotia e le NSW Health e 6,033 tagata aafia i le koviti i le vaiaso talu ai.
