Ua toe faatoese le malo i le faaauau pea o osofaiga faavaveao faapei o osofaiga faailogalanu na aafia ai tagata Pasefika i tausaga ua mavae poo Dawn Raids.
O osofaiga nei na faatoese aloaia ai le malo o Niu Sila i le tausaga e 2021, peitai e uma ona faatoese ae e lei uma ai osofaiga faavaveao lea ua tipoti ai le 34 o tagata, toatolu o Pasefika ae o isi uma o tagata Saina.
I se suesuega tutoatasi ua sau ai le lipoti o loo unaia ai le malo ua tatau ona vaavaai e faamuta nei loa osofaiga nei poo le faia foi o se teuteuga i le tulafono e tapu ai.
I le lipoti mai lea suesuega ua maua ai e lei iai se suiga i le tulafono o femalagaiga a Niu Sila talu mai ona faatoese i le 2021.
E leai foi se suiga na faia e le Immigration, matagaluega o pisinisi poo le minisita foi e toe teuteu ai faiga ma taiala o loo limataitaiina ai le sailiga o tagata overstayer poo i latou nei e taulai iai osofaiga faavaveao.
E lima fautuaga o loo sau ma le lipoti ma o se tasi o itu tāua o loo ta’ua ai o le tatau i le malo ona toe teuteu le tulafono.
Peitai, ua tali le minisita o le Immigration, Andrew Little, o se suiga e le mafai ona tupu a o loma le palota.
Ua faatoese le minisita atoa ai ma lana saunoaga o le a toe silasila vave iai le Kapeneta.
