Ua faatoese le matagaluega a le Internal Affairs ona o le faatuai o le faagaioiga o talosaga mo tusifolau Niu Sila.
O se faatoesega ua sau ai i le mae’a sau o lipoti ua oo i le 10 vaiaso faaopoopo iai ma le taimi e lafo ai tusifolau le umi lea o loo faatali ai tagata Niu Sila, ma sau ai ma le tala a moomia vave le tusifolau o lona uiga e faaluaina le tau e tatau ona totogi.
I se tala mai le matagaluega ananafi ua toe faatoese ma tuua’ia ai o le faatuai o suiga na toe faia mo le faaleleia atili o le faagaioiga o talosaga le mafuaaga, ma e lei mafaufauina e oo i se tulaga faapea.
E ese mai le faatoesega ua fai mai ai foi o lea ua iai a’oa’oga faaopoopo mo le aufaigaluega ma toe faaopoopo faavavevave isi tagata galulue e fesoasoani i talosaga o tusifolau.
Ua sau ai ma le tala o lea ua vaavaai e tatau ona oo atu i le faaiuga o Iulai ua vave tali le tusa ma le 75% o talosaga o tusifolau i totonu o le 2 vaiaso.
Ae mo le taimi nei o loo tumau pea le fautuaga e onosai e ono oo atu i le 10 vaiaso e faatali ai, e ese ai le taimi e kiliva mai ai.
Puna o Faamatalaga: Passport delays: DIA issues apology, pledges improvement on current 10-week process | Newshub
