Ua faatoese le faauluuluga o le faletupe, Reserve Bank a Ausetalia e tusa ai o le siitia pea o le interest rate aemaise lava mo nai tagata o loo iai nonogatupe mo fale.
O le masina o Me o le tausaga nei na faalauiloa ai le uluai siitaga o le interest rate e ui sa iai faamatalaga sa faia mai i le faletupe e faapea o le a le siitia lea tulaga.
Faapatino lana faatoesega ia i latou sa faia nonogatupe mo fale ona e foliga sa faalagolago faaiuga na faia i lea taimi i faamatalaga ma tulaga sa iai le interest rate aemaise sa taua e le toe siitia seia oo i le 2024.
O le taimi nei talu mai Me ua toeititi lava 3 pasene.
