Ua ioeina e se alii talavou moliaga o le avetaavale matautia ua mafua ai le maliu i le mae’a o le faalavelave na maliu ai se tagata i le tausaga na tea nei i Aukilani.
O Talikavili Talakai e 21 tausaga na molia i le tausaga na tea nei ia Iuni ona o le faalavelave na lavea ai le tagata i Thomas Rd i Magele ma maliu ai lava.
O le asō la sa tulai ai Talakai i le faamasinoga maualuga i Aukilani ma ia ioeina ai lona moliaga ma le lē tu ane i le taimi na lavea ai lē ua maliu.
Ua taofia pea i le vaaiga a leoleo seia lauina le iuga ia Fepuari o le tausaga fou.
