Na faatautaia se galuega tele a malu o le malo, ma na molimauina ai le aga’i atu o sui o le auaunaga e nafa ma matāupu tau i ‘au’upega mata’utia poo fana – le Armed Offenders Squad ma le helikopa – le Eagle Police; na oatu lea e sa’ili se tasi o tagata na su’e ma pu’e faapagota (wanted & arrested).
O loo faamauina, o lea galuega na faia lea i se nofoaga e latalata ane i Lake Ōhia i Mātū o Aotearoa.
Na tapunia se vaega o le auala o le State Highway 10 i le taimi na faatautaia ai lea galuega peita’i o lea ua toe tatala mo feoa’iga a taavale.
I molimau mai tagata na aga’i i lea faaitu e lata ane, na latou faailoa ai a o iai i le penisula o Karikari, e 45 lelei minute o tu i le kiū o taavale, ma o iinā na o latou vaaia ai loa le helikopa a leoleo ua taunuu ane.
O lea na faamaonia a’e e leoleo i molimau o se matāupu o loo aafia ai ‘au’upega mata’utia.
Ua faamanino mai foi e leoleo o loo tapunia le nofoaga, ma ua fautuaina ai tagata lautele ina ia taumamao ese mai lea itu.
Puna o Faamatalaga: https://www.nzherald.co.nz/northern-advocate/
