O le ogatotonu o lenei vaiaso ua faaauau ai le faata’ita’iga o galuega faaleoleo i le puipuia o le saogalemu o ta’ita’i o Malo ma usugafono mai fafo aemaise lo tatou atunuu, i le taimi o le taligamalo i le fono a ta’ita’i o Malo o le Taupulega.
O le Aso Gafua na amata ai lenei faata’ita’iga o loo auai faauluuluga o vaega eseese o le matagaluega o leoleo, falepuipui ma le toe fuataina, i latou ua tofia e avea ma ta’ita’i i le vaaia o auaunaga ma tiute o le puipuia o le saogalemu, e lē gata o nofoaga o le a faaaogā i le taimi o lea fono faavaomalo, ae o nofoaga o le a nonofo ai usugafono ma ē uma o le a malaga mai i le atunuu e fia auai.
O se galuega lenei ua galulue faatasi ai le matagaluega o leoleo i Samoa, ma le vaega o leoleo o le Malo o Ausetalia ma leoleo o le Malo o Niu Sila.
