E faate’ia nisi o tuaoi i se faalavelave ua ta’ua mai ua maliu ai se tagata i se fale ma le isi foi mai le fale lava lea e tasi ua auina atu i le falemai i se tulaga tigaina.

Fai mai le NZ Herald o loo suesue nei e leoleo le maliu o se tagata i le fale lea i Silverdale i le itu i Matu o Aukilani. 

O tuaoi o le aiga lea ua o latou faamatala o tagata e aumau i le fale lea o ni tagata lelei ma faauo i tagata ma ua faanoanoa i le tulaga ua tulai mai. 

O nisi molimau a tuaoi ua ta’ua ai e lei faalogoina ni vevesi mai le fale lea ma o se aiga fiafia ma o tagata lelei foi. 

O le taimi nei o loo faaauau suesuega a leoleo i lenei faalavelave.