O le a faataunuuina le folafolaga a le Faigamalo a Niu Sa Uelese,i matua o si tamaititi e 2 tausaga le matua na uma lona ola i le tausaga na tea nei.
O lea folafolaga o le a vaaia le faia ai ose suesuega faapalemene i le falemai i le Northern Beaches ma ana auaunaga e tusa o le uma ole ola o Joe Massa.
Faailoa e le Minisita o le Soifua Maloloina Ryan Park ua maea ona ia talosagaina le komiti faapalemene e faia le suesuega lea ma o le a faia ai suesuega mai lava ia Oketopa 2018.
Fai mai matua o le tamaititi e le’i sa’o ona faatino nisi gaioiga a le falemai ma sa umi se taimi o faatali ma iu ina oo ai i le faaletonu ai si o tama.
O le suesuega lea o le a suesueina ai mataupu sa tulai mai i le falemai lea i tausaga ua tea ma iloilo le talafeagai ona toe faia nisi galuega faaleleia.
Puna o Faamatalaga: https://7news.com.au/news/state-government-launches-parliamentary-inquiry-into-northern-beaches-hospital-following-joe-massas-death-c-18033688
