O le asō le uluai taimi ua faatautaia ai se fonotaga mo aiātatau a tagata soifua o le Pasefika, South Pacific first human rights conference e pei ona faataunuuina i Sini Ausetalia.
O le faamoemoe ua tuufaaasia e le Equality Australia ma sa saunoa iai le faauluuluga o Anna Brown fai mai ua leva ona tatali lea tulaga.
Fai mai a ia o loo iai se lagona mitamita ma faafetai i le ausia o lea tulaga ma ua ia ta’ua ua oo i le taimi ua tatau ai i lona atunuu ona fesoassoani i isi ma taofia faiga faailogalanu i o latou atunuu.
Ua faailoa mai e silia ma le 60 sui auai na faia saunoaga e faatatau i le faamoemoe e aofia ai ma nisi iloga i tautalaga i Amerika ma Malo Aufaatasi.
O le faamoemoe e tolu aso o loo faagasolo ai ma e tapunia aloaia i le Aso Sa o lumanai nei.
