Ua faataunuu folafolaga a se tasi alii mai Porirua i si ona tuaa ua maliu lea na ia folafola iai le fausia o se vaa, ma i le mae’a o le lima tausaga, ua faataunuuina e John Misky lea polomisi i se vaa ua fausia i fausaga Samoa.
Lipotia e le televise tasi o Misky sa faia lana folafolaga lea i le 2003 mo le faamoemoe e faatupe ai le faaliliuina o le Tusi Paia a Toelau.
Luasefulu tausaga mulimuli ane ae maliu si ona tuaa, o lona grandmother sa faia iai lea folafolaga peitai o le asō o le a faalauiloa ai lenei galuega i Porirua ina ua mae’a fausia.
Fai mai Misky o se galuega na faia e tagata e toatele ma e tāua tele i lona aiga ma le latou komiuniti, o le alii o John o se seila ma o se kamuta foi ma o loo aofia ai lona talaaga i lea galuega na ia faatino.
O le taeao nei la e faailoa ai lea galuega i le Porirua Rowing Club ma o le a mafai foi ona maimoa ai i faasalalauga tuusa’o.
