O le lipoti lata mai ise suesuega na tu’u faatasia e se auaunaga a Malo Aufaatasi, ua vi’ia ai ma faafetaia le soifuaga faasamoa ile ave o le lagolago i tagata e iai o latou mana’oga tumau.
Fai mai lea lipoti o le soifuaga faasamoa e tele lona sao taua ile taliaina oi latou e iai mana’oga tumau, peitai ua faailoa ai i lea sailiiliga ma ni atugaluga. O ia atugaluga o le avea o le olaga faasamoa o loo olaola i totonu o faiga nu’u ua soifua faalagolago ai i ai latou e iai manaoga tumau, ae ua le maua le ola tauivi e atinae le tagata e iai manaoga tumau.
O le tasi foi itu ua faaalia i lea sailiiliga e taua le amanaia o leo oi latou e iai ia manaoga i faiga filifiliga ma tonu fai, nai lo le tutoatasi oni o latou manatu e aunoa ma le amanaiaina. O le tulaga ile le tutusa o le faiga o e e leai ni manaoga tumau ma i latou o iai ia aafiaga ose isi vaega lea e tatau ona faaleleia, aua o le isi lea o tulaga e taua ile faasaga tau atu aveesea faiga faailoga tagata, ile afisi ma apo o isi, ae le faataua isi tagata.
Ua molimauina foi i le suesuega o taumafaiga e faaleleia tulaga i avanoa tutusa o tagata e unaia ai lo latou avanoa e auai i faiga tonu ma filifiliga, o loo iai le le paleni ma e tatau ona faaleleia.
