E 12 miliona ua faaalu e le Auckland Council i se nofoaga e i tala ane o le Botanical Gardens i Manurewa ina ia taofia ai le faaaogāina o lea vaega eleele mo le fausia ai o fale.
Ua lipotia e le RNZ i le vaiaso nei e faapea o se faamatalaga a le pulenuu, Wayne Brown na ia faailoa ai o le faatauina o le estate lea e 1.6 hectares o le a mafai ai loa e le Council ona faalautele atu iai le togalaau.
Faailoa mai o le nofoaga lea i Hill Road o loo iai se fale ma se vaitaele ae ua faia lea faatatau i le mae’a ona faamuta o nisi avanoa faigaluega pe ā ma le 500, faamuta nisi o auaunaga ma faatau nisi o shares a le Council e faatumu ai nisi o avanoa sa iai i le tala faatatau o le tupe.
O le faamatalaga a Brown i le lipoti lea e faapea o se tulaga lelei le faia o le faaiuga e faatau i le nofoaga lea auā e penefiti ai tupulaga i le lumanai ma saunia ai foi nisi avanoa faaopoopo.
