O le uluai taimi lea ua faatau ai e le alii mai Gladstone i Kuiniselani se pepa o le OZ Lotto i le vaiaso nei ae o ia lea ua faamaonia o ia le isi e toalua iai e ua faamanuiaina i le faailoga muamua ma e 15 miliona lona malo.
Faamatala e le alii lea i le 7News, sa faailoa atu e se tasi la te faigaluega faatasi o le tagata mai Gladstone lea e malo ma alu ai loa e siaki lana pepa.
Fai mai a ia e lei taalo muamua lava i le taaloga ma o lona taimi muamua lea.
Fai ma e oo mai i le taimi nei e le o mautu lona mafaufau i le mea o le a fai i lona malo.
Fai mai le ofisa o le Lotto o se lagona fiafia le vaaiga i foliga o i latou e faamanuiaina i nei faailoga ma iloa foi suiga tetele o le a iai i o latou soifuaga ona o vaegatupe e malo ai.
Fai mai nisi ua autausagā o taaalo i le taaloga e pei e faailoga tagata foi le taaloga i nisi taimi ua faafia ona ave numera i vaiaso taitasi ae le manuia lava peitai fai mai nisi o le beginner’s luck.
