O lea foi ua lipotia mai lea faatama’ia i le afi i le taeao o le Aso Lua, o le fale o se kalapu ta’alo a Whakarewarewa i Rotorua.
Maitauina o se mū na matua’i faaleagaina ai le tele o vaega o lea kalapu.
Ta’ua na tali atu le vaega o faalavelave tutupu faafuase’i i le taeao ma na maitauina le aga’i atu o le tele o taavale tineimū e aofia ai se taavale e iai le apefa’i e taumafai e faaitiitia le sasao o le afi, e pei ona ta’ua na oo lelei i le tulaga 3 o faatulagaga o le mata’utia o le afi (third alarm level).
Faamaonia le faatino ai o sa’ili’iliga a ‘au su’esu’e i le māfua’aga o le mū.
Faailoa le faanoanoa tele o le faia’oga o le kalapu taalo Ngarimu Simpkins i le telē o aafiaga ua iai nei le latou kalapu aemaise o se fale e tumu i meatotino mai le tele o tausaga – o vaega e faasino i talafaasolopito o le kalapu a o lenei ua liu efuefu.
O ata, o ipu ma le talitā o le Tai Mitchell Shield, ua mautinoa le faaleagaina.
Ua ta’ua e le alii faia’oga ma le peresitene ia Marty Hatu, le maua pea o le mafanafana ma o faanaunauga ia tutū faatasi le aai e toe faaleleia le kalapu, auā foi o se kalapu na molimauina le mata’ina o taumafaiga i taaloga lakapi, sa manumālō i le tele o faailoga mai le Bay of Plenty Rugby Awards.
Puna o Faamatalaga: https://www.nzherald.co.nz/rotorua-daily-post/news/rotorua-fire-whakarewarewa-sports-club-blaze-brought-under-control-by-crews/
