O loo faatalitalia e le aufaipisinisi i le asō ni faatauga tele i le Black Friday sale poo le pa’ū o le Aso Faraile Uliuli lea ua faaauau i le asō e ui i le taugata o le soifuaga ua iai nei.
Ua feta’ua’ina e ono oo atu i le 6.2 piliona tupe o le a faaalu e tagata i le pa’ū lenei ma ua faailoa e le sui mai le Australian Retailers Association o Fleur Brown ua leva ona tapena le aufaipisinisi i le faamoemoe lenei ina ia sologa lelei mea uma.
Ta’ua e Brown o se itu e pei e faateia ai o ia ona e foliga e le o iai se sootaga o le taugata o le soifuaga ma le siitia o le tau o oloa i le taimi nei ma le alu o faatauga a tagata e pei ona maitauina i lenei vaiaso.
Fai mai a ia o le taimi nei o loo iai i se tulaga lelei le itu tau faatauga ma o se tulaga lelei tele foi lea mo i latou le aufaipisinisi.
