Ua ofoina e le Faigamalo a Ausetalia i ana tagata faigaluega i auaunaga tau polokiki le siitaga aupito maualuga o totogi e faataga faaletulafono, faaopoopo iai ma alauni mo faigamalaga ma livi mo meafai faaleaganuu ma totogi faaopoopo mo tagata faigaluega e mafai ona tautatala i nisi gagana faaopoopo.
O le maliega lea na faapalota i le aso ananafi ma e talitonuina o le a pasiaina ma o le a maua ai ia faamanuiaga e i latou o loo galulue i le Palemene, ofisa o minisita a itumalo ma o le uluai maliega lea ua faatulaga i lalo o se faigamalo a le Leipa talu mai le 10 tausaga talu ai.
E aofia ai foi ma livi faalematua parental leave e 18 vaiaso ma ua lipotia e lē o toe mamao ona faalauiloa lea o le faamaoniga o ia suiga uma.
Puna o Faamatalaga: https://www.abc.net.au/news/2024-08-20/parliament-staff-poised-for-pay-rise/104245874
