O ananafi lea sa faatalitali iai le faitau miliona o tagata Ausetalia i le tulaga o le a iai le siitaga i le totogi aupito maualalo ina ua mae’a le iloiloga faaletausaga a le Fair Work Commission sa faia.
O le taimi nei o le totogi maualalo mo galuega i Ausetalia e $21.38 i le itula e tusa lea ma le $812.60 i le 38 itula faigaluega i le vaiaso a o lei aveesea ai lea o le lafoga poo le tax.
O Iuni o loo finau malosi ua tatau ona siitia lea totogi ia talafeagai ai ma le inflation ae o loo fnau foi pisinisi mo le siitaga e 3.5pasene, fai mai a latou afai ae sili atu nai lo le 3.5 pasene o lona uiga o le a matuai feagai foi i latou ma lu’itau e totogi tagata faigaluega ma pili o le pisinisi ma iu ai ina vāea nisi tagata faigaluega.
Pe ā ma le 2.5 miliona o tagata Ausetalia o loo totogi nei i le minimum wage, le totogi aupito maualalo o a latou galuega.
O le ā lava la le faaiuga a le Fair Work commission o le a amata faamamalu lava ia suiga i le aso muamua o le masina fou o Iulai.
