O loo faaopoopo pea finagalo faaalia agai i le malo ina ia toe tuu i tua le faataunuuina o suiga ua fuafua i le NCEA Level 1 seia faamautu lelei nisi tulaga i le curriculum.
O le masina o Aperila na faailoa ai e le Malo nisi o suiga e fia faia i le Level 2 ma le 3 ma o le a toe tuu i tua i se tausaga ae lei faailoaina se faamatuuga mo le Level 1.
O le asō la ua saunoa ai le minisita o Michael Wood i le AM e tāua tele ona mautinoa lelei e tagata Niu Sila suiga o le a faia ma o le a faamanino atili ane e le minisita o aoga Jan Tinetti lea vaega i se taimi e le o toe mamao.
Fai mai le minisita tusa poo le assessment poo le curriculum e lē o le malo o loo latou tuuina ae o se mea e ao ona faalautele faatasi ma le matagaluega ma sa fuafua e faataunuuina.
O lona uiga la o le tulaga o iai pe faapefea ona faatino ia suiga i se auala e mafai ona puleaina lelei.
O le faamatalaga a le Minisita o Aoga ua ta’ua ai o loo faatali i fautuaga mai ana officials e uiga i ni aafiaga o suiga i le NCEA Level 1.
