Ua lalata lava le aso sa faatulaga e faia ai le faai’uga a le Palemene o Papua Niu Kini e uiga i le matāupu e faatatau i le tuto’atasi o Bougainville ae o loo iai popolega o le ta’ita’i o iai nei o Bougainville i le tulaga o le a iai sea faai’uga.
O le masina o Tesema o le tausaga talu ai na malilie ai sui o Papua ma Bougainville o le a ave le matāupu lea i luma o le Palemene ia Iuni o le tausaga nei ma ia iai se poloa’iga e saunia mo le Palemene ina ia mafai ai ona faatalanoa le matāupu aga’i i sona i’uga faai’u.
Na lipotia e le Radio NZ se faamatalaga a le Palemia o Papua, James Marape na faia i le vaiaso talu ai e faapea, o se aso mulimuli mai o le tausaga nei e maua ai le tonu masalo poo le amataga o Setema.
E lē o fiafia iai sui o Bougainville fai mai a latou ua silia ma le 6 tausaga le umi o lenei matāupu ae o lea lava e lē toe mautū ane se tali.
Puna o Faamatalaga: https://www.rnz.co.nz/international/pacific-news/590401/png-and-bougainville-govts-urged-to-plan-for-what-follows-referendum-decision
