Ua faailoga nei e leoleo o se nofoaga ua maliu ai se tasi, le faletaavale o se aiga i Melepone lea na maua iai lea tamaitai ua maliu i le po o le Aso Lulu o le vaiaso nei.
Fai mai na valaau ane leoleo i se fale i Northcote poo le ta o le 8 i le po o le Aso Tofi ina ua maua atu e se tagata o le aiga le tamaitai e 59 tausaga ua maliu i le faletaavale.
Ua faasāina atoa e leoleo le nofoaga lea a o faia a latou suesuega ma ua faailoa mai e leoleo o se faalavelave masalomia lona mafuaaga ma o loo talia le post mortem i le aso e iloa ai le mafuaaga o le maliu.
Ua talosaga leoleo i nisi e silafia le aiga ma le faalavelave lea ina ia fesootai ane.
