O loo faatali pea le pulega a le vaega o tineimu i le taimi e soalaupule ai le konekarate o loo faatau mai ai taavale fuimu tetele lea e iai apefa’i.
E $25 miliona i totonu o le tausaga mo le tolu tausaga lea o le a maua e le vaega o tineimu e faaleleia ai taavale a le pulega se’i sui ai taavale tuai o loo iai nei.
E 5 taavale fuimu tetele o loo faatau mai, e tusa le tau ma le $10 miliona peitai o se inivesi e moomia le iloilo ia mautinoa lona saogalemu.
Ae mo isi taavale laiti o lea ua faataitai le tolu, tālia le isi lua e taunuu i le masina fou a o le isi 20 e le o mautinoa.
Mai le pulega o taavale nei, e tusa ma le 200 lea o loo faaaogaina i le taimi nei ma o le tele lava o lea faatoa uma ona toe lipea.
