Ua fai lava si faatalalē o Niu Sila i ana auala o puipuiga o le Koviti.
O finagalo faaalia lea o tagata suesue o loo tulimata’ia le fuainumera o cases mai fafo, cases maua i tua i le komiuniti faapea ai tagata maliliu ma i latou e taofia i falema’i e mafua mai i le vairusi.
O le vaiaso nei foi ua faatalosagaina ai e tagata suesue faapitoa a le soifua maloloina le malo, ua moomia le faaopoopo o ta’iala e taofiofia ai le pepesi o le Koviti.
E ese mai i lea o le toe faamalosia o le faia o ufi fofoga i totonu o aoga.
Ua fesiligia ai foi e nisi o tusitusiga le malo i le lē tele o sona leo a o lea e foliga mai ua malosi le pepesi o le fūlū atoa ai ma tagata ua maua i isi vairusi faaopoopo.
E ui i lea ua maua e tala fou o le to’atele o tagata lautele ua lagona le vaivai i tapu e sau ma le Koviti, ma e foliga mai o loo aufaatasi ma le Palemia Jacinda Ardern e lē mōlī mūmū le traffic light a Niu Sila.
