O le a faataatia ese e le faigamalo ale Feterale a Ausetalia le manaoga o loo iai mo tagata mai atunuu ifafo ina ia faailoa se faamaoniga ose negative test ae lei malaga mai.

Ua saunoa le minisita o le soifua maloloina Greg Hunt ole a le toe manaomia e le malo ona faatino lea tulaga.

Taua e le minisita ua maea ona faatalanoa le mataupu ma faauluuluga o kamupani vaalele a le Qantas ma le Virgin ma talia foi le fautuaga mai le ofisa sili o le soifua maloloina.

O se faaiuga ua talia lelei e le toatele sa faailo ni finagalo I le mataupu lea I luga o televise ma nusipepa I Ausetalia, fai mai a latou ua alaga tatau aua ua ese foi le tulaga ua iai le atunuu I le taimi nei faatusa atu I le taimi faatoa oo mai ai le koviti I le le mautonu ma le leiloa o gaioiga e faia e tetee atu ai I le faamai. E tutusa lava foi male faiga ua faia e isi atunuu ile atu Europa.